Kem ki Pulit ia u runar ba pynjulor ia ki ATM ban sei pisa tuh

Shillong, Jylliew 29: Ki Pulit ka Nongbah Shillong kila kem ia uwei u runar ba 29 snem ka rta, uba donkti ban pynjulor ia ki kor ATM ha ki kynta pynlip bording elektrik ban sei tuh ia ka pisa.

Ia une u briew la ioh ban kem haduh 9 tylli ki case bala register bad ki Police Station bapher bapher halor ki jingshah pynjulor ki kor ATM kiba don ha Rynjah, Madanrting bad Laitumkhrah.

Ka kynhun n ka Rynjah Police Station bala ialam da ka DyCP (I&O) Kong Jyoti Wahlang MPS bad ASP Dewansh Pandey IPS, kila ioh kem ia uwei u briw uba donkti ha kane ka kam, ong u Superintendent of Police (City) Bah Vivek Syiem ha ka kyrwoh bala phah hynne ka sngi Palei.

Ha ka jingtohkit la lap ba une u briew ula leh kane ka kam bymman ha ki ATM ha Madanrting, Laitumkhrah, Rynjah bad Laban. Ki Pulit kila kurup ruh ia ki jain, ka pla bad ka shatri bala pyndonkam ha ka jingleh ia kine ki kam bymman.

Kat kum ka jingong jong u,ka jingpynjulor jong une u briew kala kot ia ka T. 10 lak.

Ia une u briew lah kem nyngkong halor ka case bala register hapoh ka Madanrting bad la ialam ban tiar bishar ia u. Hynrei ka jingtohkit kan sa waddien la ki don ne em ki briew kiba iadonkti lang ha kane ka kam bymman ban plie ia ki kor ATM, ong une u Heh Pulit.

Pule ruh: Ka jaidbynriew ka mad iaka jingeh kaba khraw namar bym don ki nongialam, ong u Bah Paul Lyngdoh