Shillong, Risaw 25 : Ki Pulit ka Nongbah Shillong kila kem ia uwei u rangbah ba 42 snem bala tip kyrteng kum u Tamdorlang Risaw ha ka sngi Saitjain namar ka jingkynnoh ba kren kynshlein ia ki Kynthei ha ki jaka paidbah ha ki thain Laitumkhrah, Shillong.
Kane ka jingjia, ka dei kaba jia naduh u bnai Jymmang 2025, une u rangbah ba niah ia ka Bolero, la kynnoh ba u kren kynshlein ia ki kynthei ha ka thain.
Ki Pulit kila ioh pdiang ia artylli ki ejahar ha ka 15 tarik Risaw 2025, bad kila pynlong iaka jingtohkit ban lapdien bad kem ia une ubriew.
U Risaw uba sah ha Nongrah Block-II, ula shah kem ha Tawang, Mawsynram bad la kurup ruh ia ka Bolero ML05-P-7884 ba u pyndonkam, ong u Superintendent of Police.
Ia une u briew yn sa rah tian bishar sha ka Iingkashari kat kum ki kyndon ain.
