Shillong, Jymmang 20: Ki Pulit ka Sohra Police Station ha ka sngi Ba-ar, kila ioh kem ia uwei u nongtuh thuk thuk uba thmu ban leit die ia ka thuk thuk ba u tuh na ka thain Laban sha Bangladesh.
Une u nongtuh u kyrteng u Banpliebok Khongsder ba 26 snem, uba dei na Pomshutia, Pynursla, East Khasi Hills.
Kat kum ka jingiathuh u Superintendent of Police ka East Khasi Hills, ki Puit Sohra ki dang talasi kali ha ka por ba wan iaid kane ka thuk thuk bad haba u nongniah u iohi ia ki Puit, ula phai bad phet krad shaphang ka liang ban wan sha Shillong.
U iathuh ba ki Pulit kila kthong ia kane ka thuk thuk bad kila ioh ban bat ha ka thain Mawjrong da ka jingiarap ki nongshongshnong ka thain.
Kane ka thuk thuk ka dei ka Yamaha R15 rong saw kaba don u nombor ML05-R-5346.
Ki Pulit kila register case pyrshah ia une u briew bad ka jingtohkit mynta kala iaid shakhmat ban lapdien ruh ia ka jingdonkti jong u ha kiwei ki kam tuk thuk thuk na Shillong.
