Shillong, Rymphang 19 : Ki Pulit ka Pynurlsa Police Station, kila kem ia uwei u Nongtrei ka State Bank of India (SBI) Pynursla Branch, halor ka jingkynnoh donkti ban rong tuh ia ka pisa ba kot haduh T. 95 lak na ka Bank.
Kat kum ka jingpyntip u Superintendent of Police ka East Khasi Hills MGR Kumar, ki Pulit ka Pynursla kila ioh pdiang ia ka ejahar ha ka 17 tarik Rymphang na u Branch Manager ka SBI Pynursla ba uwei u nongtrei ula rong tuh ia ka pisa ba kot T. 95 lak na ka Bank ha ka 13 tarik u Rymphang.
U Iathuh ba ia kane la kam la bynshet ha u SDPO ka Sardar Police ban thwet ia une u briew bad da ka jingiarap ki bahaiing hasem, ki Pulit kila ioh kem ia une u briew hynne ka sngi 19 tarik Rymphang da u SDPO Sardar bad ka kynhun Special Cell.
Une u heh Pulit u pyntip u pyntip ba ha ka jingtohkit, la lap ba une u nongtrei ula pyndonkam bakla ia ka password bala ai sha u da ki bor pyniaid ka Bank . U ong ba ula tuh ia kane ka pisa la katto katne bnai mynta bad ula pynlut ia ka pisa ha ka jingiathong khalai online.
Ka jingtohkit mynta kala iaid shaphrang ban lapdien ia ki buit ba ula pyndonkam bad shaei ba ka pisa ba u tuh kala poi mynta.
