Shillong, Nailar 20: Uwei u Nongtrei ka North Eastern Council (NEC) ula shah kem ha ka miet sngi Nyngkong halor ka jingkynnoh ba u jrong kti khlem rain ia kawei ka para nongtrei ba 21 snem ka rta.
Kat kum ka khubor Pulit, kane ka lanot ka dei kaba shu wan trei contract hapoh ka Ophis namar ka dei kaba iohkam lyngba ka compassionate ground.
La iathuh, une u briew ula bthah ia kane ka lanot ban synran ia u sha Bank ban pyndep ia ki kam ophis namar ka dei kaba la shah thungkam ban iarap ia u. Hadien bala wan na Bank, ula pynbor ia ka ban leit rung shwa shapoh ka Quarter jong u da kaba kam ba ula klet ia ka tiffin ja. Hadien ba poi ha Iing, ula phah rung ia ka shapoh bad sdang leh donbor pyrshah ia ka.
Kane ka jingjia kala jia ha ka por 1:30 baje eiei jong ka sngi nyngkong.
Kane ka lanot kala leit ban buh ia ka jingujor ejahar hapoh ka Laitumkrah Police Station, kaba lam sha ka jingshah kem une u briew na ka quarter ha kane hi ka janmiet.
Ki Pulit kila register case ia kane ka ejahar bad ka jingtohkit mynta kala iaid shakhmat.
 ula shah kem ha ka miet sngi Nyngkong halor ka jingkynnoh ba u jrong kti khlem rain ia kawei ka para nongtrei ba 21 snem ka rta.){kind=link}