Shillong, Naiwieng 01 : Ki Pulit ka East Jaintia Hills kila ioh kem ia uwei u nongkhaii droks bad ioh kurup haduh 2 kilo u dawai kuli Amphetamine na Lad Rymbai Datsympein hynne ka step sngi Balang.
Une u Nongkhaii droks u kyrteng u Sanju Singh uba dei u Nongshongshnong ka Them Metor, Shillong. La iathuh ba une u briew ula wan na Silchar da ka Night Super AS20-9990 sha Shillong lem bad kine ki droks, ong u Superintendent of Police ka East Jaintia Hills Jagpal Singh Dhanoa.
Une u Heh Pulit u iathuh ba hadien ka jingioh jingtip ba thikna, ki pulit kila pynieng ia ka khyrdop talasa ha Ladrymbai Datsympein ha ka por 5 baje mynstep bad kila ioh ban bat ia kane ka bos.
Na ka met jong u Sanju la ioh ban kurup ia artylli ki pla kiba thep ia 2.771 kilo u dawai kuli Amphetamine.
Ia unr u briew la register case ha Khlieh Police Station hapoh ka kyndon NDPS Act bad ka jingtohkit mynta kala iaid shakhmat.
Pule lang ia kane: Pynksan u Myntri ba sam umkhuid ka PHE ha Shillong, artatien ia ka Um ba lum nongmuna ka FKJGP
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
