Shillong, Rymphang 08 : Ki Pulit ka East Jaintia Hills District hynne ka sngi balang, kila ioh kem ia uwei u briew bad ioh kurup ia u drok ba khia 1 kilo bad uba shongdor haduh T. 5 klur.
Ka kynhun ANTF ka District hadien ka jingioh khubor, kala pynlong ia ka jingkhynra kaba jur bha hynnin baroh shimiet bada hynne ka step kila ioh ia uwei u briew uba dei na Mizoram, na kawei ka Petrol Pump hajan ka Friends Hotel, Lad Rymbai bad kila ioh ban kurup ia u droks ba khia 1040 gram.
Ia kane ka jingkhynra la ialam da u Additional Superintendent of Police ka District Bah Banroilang Jyrwa ha ryngkat ki Pulit ka Ladrymbai Outpost. Une u Nongkhaii droks u dei uba kyrteng u Albert Lalro Piang, uba dei u nongshongshnong ka Phunchawng, Aizawl.
Na ka met une u briew la ioh ban kurup ruh ia ka pisa ba T. 2550. Ia une u briew la pynngat hapoh ka kyndon NDPS act bad ka jingtohkit mynta kala iaid shakhmat ban lapdien ia ki briew kiba iadon bynta ban die bad ban thied ia une u drok.
