Shillong, Risaw 29 : Ki Pulit ka East Jaintia Hills, hynne ka sngi U Blei, kila ioh ban kem ia uwei u Nongkhaii droks heroin na Khliehriat.
Ia une u briew la ioh kem na kawei ka bos Night Super AS01-FC-7788 bad la tip kyrteng ia u da u Rofique Uddin Ahmed, ong u Superintendent of Police ka District Jagpal Singh Dhanoa.
Une u Heh Pulit, u iathuh ba ki pulit kila ioh jingtip ia ka jingwan une u briew bad ka jingkit droks bad mar mar kila pynieng ia ka naka ha surok NH-06 hajan Khliehriat Police Station.
U oyntip ha ka jingtalasi ia ka kali ha ka jingiadonlang ki nongsakhi shimet, ki Pulit kila ioh kurup haduh 20 synduk u power rong stem na ka pla jong u.
Ha ka jingle test la lap ba une u power u dei u heroin. Ka jingkhia jong une u droks ka kot haduh 274.23 gram.
Ki Pulit kila register case ia une u briew ha Khliehriat Police Station hapoh ki kyndon ka NDPS Act. Ka jingtohkit mynta kala iaid shakhmat.
