Shillong, Lber 24 : Ki Pulit ka East Khasi Hills, kila kem ia uwei u Bahkong halor ka jingsuba donkti ha ka jingdung da ka tari ia uwei u briew ha ka miet 18 tarik Lber, ha Khyndailad Police Bazaar.
Kat kum ka jingiathuh u Superintendent of Police ka East Khasi Hills Bah S Nongtnger, ki Pulit kila kem ia une u Bahkong hynnin ka 23 tarik Lber bad kila ioh ruh ban kurup ia ka tari kaba la pyndonkam ha kaba dung ia une u briew.
Lah ban kdew ba ha ka miet 18 tarik, uwei u briew ba kyrteng u Zecharaiah Sohthiang ula shah dung da ka tarik ha ki briew ha Khyndailad, kaba la poi ruh sha ka jingiatai haduh ka Iingdorbar Thaw Ain ka Jylla.
Ki Pulit kiba la register case ia kane ka jingjia ha Sadar Police Station kat kum ka kyndon 326/307 /34 IPC, kila pynlong ia ka jingtohkit kaba bniah bha bad hynnin ka sngi kila lapksai ia ka jingdonkti une u Bahkong bad kila kem noh ia u.
Ka jingtohkit mynta kala iaid shakhmat.
Pule lang ia kane:Â Pyntip u DyCM : Lah dep pynkhreh iaka Blueprint ban weng ia ka jingkhapngiah ka Shillong
