Shillong, Lber 11: Ki Pulit ka East Khasi Hills, kila ioh kem ia ka Kynhun ki runar kiba ju kyndang ia ki kor ATM ha ka thain Mawlai bad kiwei ki jaka.
Lah iathuh ba uwei na kine ki runar u dei uba don jingiadei bad iajan bha bad ki nongmihkhmat paidbah.
Ki Heh Pulit ki iathuh ba ia mynta kim pat lah ban ai ia ki jingtip ba bniah halor kitei ki runar bad ka kam ba ki leh namar ba ka jingtohkit ka dang iaid shakhmat.
Ki Pulit ki dang tohkit ban lapdien ia kiwei ruh ki briew kiba iadonkti lang ha kane ka kam bad ia baroh ki kam kyndang ATM ba kane ka Kynhun kala leh.
