Shillong, Naiwieng 08 : Hadien ka jingsaphriang ka video ba pyni ia kawei ka Kynthei ba khaii droks pyllein pyllein ha surok GS Road marjan ka Bimola Junction, ki Pulit ka ANTF ka East Khasi Hills, kila hiar pynlong jingkhynra ha Them Metor bad iohkem ia kane ka briew kaba la 26 snem ka rta.
Ki Pulit ANTF kila hiar khynra ia ka Iingsah jong kane ka briew bad ioh kurup haduh 92 tylli ki bilor plastic ba rit bala thep ia u heroin ba 99.21 gram, 51 tylli ki bilor plastic rit ba thylli, 13 tylli ki synduk sabon ba pyndonkam ban song heroin, kawei ka mobile phone bad kawei ka Aadhar Card.
Kat kum ka jingiathuh u Superintendent of Police (City) Bah Vivek Syiem, ka jingthwet ka dang iaid shakhmat ia kiwei pat ki nongkhaii droks ha ka thain.
Ia kane ka briew la register case ha Shillong Sadar Police Station hapoh ka kyndon NDPS Act.
