Shillong, Rymphang 24 : Ki Pulit ka Pasteur Beat House ha ka sngi Nyngkong, kila kem ia arngut ki nongtuh bad kurup ia kawei ka laptop ba ki tuh na ka met jong ki.
Kine ki arngut ki briew ki kyrteng u Navin Sunar ba 42 snem ba na Laban marjan ka St.John bad u Sanju Sunar ba 38 sne ba na Barapathar. Ia kine ki briew la kem na ka thain Polo.
Kine ki arngut kila kubur ba kila prong tuh ha kawei ka iing ba marjan ka skul BK Bajoria bad rong tuh ia artylli ki laptop lem bad kiwei kiwei ki tiar,ong ki Pulit.
Napdeng ki tiar bala ioh kurup ki kynthup ia ka passport Bhutan kaba dei jong u Jigyel Gyelshen.
Ia kine ki runar la register case ha Laitumkhrah Police Station.
