Shillong, Jymmang 19 : Ki Pulit ka Ri-bhoi District kila ioh kem ïa 5 ngut ki nong Bangladesh kiba wan rung beain shapoh Meghalaya.
Kine kiba shah kem ki kynthup Hafix Sigdah (56 snem) na Norail Bangladesh lem ba ka kurim ka Ujala Begum (35 snem) bad ki lai ngut ki khun kiba dang rit.
Ïa kine baroh la kem na kawei ka kali kamai (Tourist) ha Byrnihat, Ri-bhoi District haka por talasi iaki kot ki sla bad la shem ba kim don satia ia ki kot ki sla kiba biang.
Haka jingtohkit la tip ba kine ki briew ki dei ki nong Bangladesh kiba la wan rung beain sha India ha u 2024 bad mynta ki thmu ban leit phai sha Bangladesh lyngba ka nongbah Shillong.
Ki Pulit kila Register case pyrshah ia kine ki briew bad la rah tian bishar ruh iaki sha iingbishar bad ka ingtohkit ka dang iaid shakhmat.
