Shillong, Lber 19 : Ki Pulit ka East Khasi Hills, kila kem ia lai ngut ki briew halor ka jingsuba ba ki dei ki nongkynshoit, kaba lam sha ka jingshah bom shnong ki arngut ki briew ha Mawthlong, halor ka jingkynnoh ba ki dei ki Menshohnoh.
Kine ki lai ngut ki kyrteng u Skerling Pyrtuh ba 39 snem na Mawthlong, u Traibor Lyngdoh ba 30 snem na Nongbsap bad u Kyntiewnam Pyrtuh ba 28 snem na Mawthlong.
Ia kane la pyntip da u Superintendent of Police ka East Khasi Hills Rituraj Ravi uba iathuh ba ia kine ki briew la leit kem hynnin ka miet na shnong Mawthlong ha ka por 12:30 baje mynstep.
U pyntip ba ia kine ki laingut la pyllait noh hynne shiteng sngi da ka jingsoi ia ka bai bond hadien ka jingtohkit kaba bniah.
Une u Heh Pulit u iathuh ba ka jingtohkit mynta ka dang iaid shakhmat.
