Nongpoh, Risaw 04 : Ki Pulit ka Ri-Bhoi District hynnin ka sngi kila ioh kem ia lai ngut ki Nongkhaii droks kynthup ia arngut ki kynthei, kiba wanrah droks na Nagaland ban pynpoi ha Shillong lyngba ka Ri-Bhoi District.
Ia kine ki nongkhaii droks la ioh kem hynnin ka janmiet da ki Pulit ka Ri-Bhoi hadien ka jingioh jingtip ia ka jingdon kawei ka Kynthei na Nagaland kaba wanrah droks sha Shillong lyngba ka Ri-Bhoi.
Ki Pulit kila pynap shrip ha Byrnihat Out Post naduh ka por 9:30 baje mynstep hynrei dei ha ka por 4:45 janmiet kila ioh bat ia kawei ka taxi kamai bad ha ka jingtalasi, kila lap pynban ia u droks heroin ba 200 gram eiei .
Ki Pulit kila bat noh ia ki lai ngut ki briew kiba don ha kane ka kali bad kurup ruh ia ki mobile phone jong ki. Kine ki lai ngut ki kyrteng u Kaisikamo Chawang ban a Peren District, Nagaland, ka Adaliu Chawang ba na Manipur bad ka Wijiulungtiu Panmei ban a Dimapur.
Ki Pulit kila register case ia kine ha Byrnihat hapoh ki kyndon jong ka Ain NDPS Act. Ka jingtohkit mynta ka dang iaid shakhmat.
