Shillong, Rymphang 16 : Ki Pulit ka Sadar Police Station kila ioh ban kem ia 3 ngut ki briew katba ki dang thmu ban rong tuh ia kawei ka scooty ha Shillong hynnin ka sngi Saitjain.
Namar ka jingjur ka jingiaid pahara ki Pulit ha Nongbah, ha ka por 4:50 baje mynstep, ka kynhun iaid pahara na Sadar Police Station kala iakynduh ia lai ngut ki briew kiba wan da kawei ka tourist taxi (Swift) ML04-C-7163 ha Keating Road bad pyrshang ban tuh ia ka scooty ML05-AC-8352 da kaba ot ia u waiar ban pynmeh ia ka engine.
U Superintendent of Police ka District Bah Vivek Syiem u iathuh ba kane ka kynhun ki Pulit kala ioh kem shuwa ia u nongniah jong kane ka swift ba kyrteng u Ribellang Phyllei (25) na Biar, Laskein Block, WJH katba arngut kila ioh ban phet dakaba shim kabu ia ka jingdum.
U iathuh ba ki Pulit ka Mawryngkneng kila ioh ban bat ia ki arngut kiwei pat ha jaka talasi kali bad kine ki kyrteng u Empyrkhat Dhar ba 21 snem na Saphai bad Steven Syngkon ba 19 snem na Iaw Thymme WJH. U iathuh ba kine ki arngut ki dang thmu ban phet sha West Jaintia Hills.
Ki Pulit kila ioh ban kurup ia artylli ki helmet, artylli ki bilor ba pyndap da ka umphniang petrol, artylli ki screw driver, shiset ka spanner, kawei ka allen wrench,uwei u T- Hand Hex key, uwei u T- Handle Torx Key , ka pisa ba T 6100 bad lai tylli ki mobile phone.
Ki Pulit kila register case ia kine ki briew hapoh ka kyndon 305(b)/324(4)/111(2)(b)/3(5) jong ka BNS. Ka jingtohkit mynta kala iaid shakhmat ban lapdien ia kiwei pat ki kam tuh thuk thuk.
 ML04-C-7163 ha Keating Road bad pyrshang ban tuh ia ka scooty ML05-AC-8352 da kaba ot ia u waiar ban pynmeh ia ka engine.){kind=link}