Shillong, Jymmang 17: Arngut ki briew kila shah kem na North Garo Hills District ha ka sngi Saitjain halor ka jingkynnoh ba ki kyrshan ia ka Pakistan bad kynthoh pynrem ia ka India.
Kine ki arngut ki dei kiba la ithuh kyrteng da u Silgring D Sangma ba na ka shnong Chorebolbok bad u Asbath B Marak jong ka Shnong Chambildam, ong ki Pulit.
Ia ka jingkem la leh halor ka ejahar bala mudui da ki bor pyniaid ka North Garo Hills ha ka 15 tarik Jymmang, hadien ka jingsaphriang jong ka video na ka Facebook u Silgring D Sangma ha ki social media kum ka FB bad Whatsapp ha kaba arngut ki briew la iohi ba kila hylla bad pynpriang iaka khubor da ka ktien Garo kaba dap da ka jingshun niam bad ba pyrsha ia ka India bad ba kyrshan ia ka jingthombor ka Pakistan ia ka India.
Ka jingtohkit kane kane ka case kala iaid shakhmat, ong ki Pulit.
