Tura, Jymmang 02 : Ki Pulit ka West Garo Hills kila ioh ban kem ia arngut ki snar nongkhaii droks hynnin ka sngi Nyngkong katba ki dang wan rah ia u droks na Assam sha Tura.
Kine ki arngut ki kyrteng u Kimbri Achura T Sangma bad u Jamslay Ch Marak. Ia kine ki briew la ioh kem najan ka Iew Gokul kaba hap hapoh ka Bajengdoba Police Dstation katba ki dang wan na Krishnai shaphang ka thain Tura.
Ha ka jingtalasi ia kine ki briew, ki Pulit kila ioh kurup haduh 12.57 gram u heroin bad ia kawei ka scoot ylem bad artylli ki mobile phone.
Ia kine ki arngut la register case ha Bajengdoba hapoh ki kyndon jong ka NDPS Act bad ka jingtohkit mynta kala iaid shakhmat.
Pule lang ia kane: Sikkim: Leit iarap ka BRO ia 40 ngut ki nongshang sawari ba sahkut ha Nathula
