Shillong, Naitung 06 : Ki Pulit ka Phulbari Police Station kila ioh ban kem ia arngut ki nongkhaii droks kynthup kawei ka Longkmie bad ioh kurup ia u droks ba 6.51 gram lem bad ka pisa ba T. 55,500.
Ia kine ki briew la ioh ban kem ha ka jingkhynra ia kawei ka Iing ha Nimaikata hynne ka sngi, kaba la pynlong halor ka jing ioh khubor syntiat ba ki don ki nongkhaii droks ha kane ka Iing.
Ha kane ka jingkhynra, kine ki briew kila pyrshang ban phet haba iohi ia ki Pulit hynrei ki Pulit kiba la ap kdong, kila ioh ban kem da kaba suk ia ki.
Kine ki arngut ki kyrteng u Rahul Islam bad ka Romison Nesa ba 46 snem ka rta, kiba dei hi na Phulbari. Ki Pulit kila ioh kurup ruh ia kawei ka thuk thuk ba ju pyndonkam da kine ki briew.
Ia kine ki briew la register case ha Phulbari Police Station hapoh ki kyndon ka NDPS Act bad ka jingtohkit mynta kala iaid shakhmat.
Pule lang ia kane: Mudui ka KSU sha ka Tnad Forest ba sah be-ain ki briew ha Mahadev Khola
