Shillong, Rymphang 08 : Ki Pulit ka Nongpoh Police Station, kila ioh ban kem ia arngut ki nongkhaii drok kiba na Assam bad ioh kurup ia bun bah u droks uba shongdor da ki lak tyngka.
Ia kine ki arngut la kem na kawei k abos night super kaba don u nombor ML05-T-8121. Kine ki arngut ki kyrteng u Sumit Naha bad u Rahul Ghosh kiba dei na Dibrugarh,Assam.
Ha ka jingtalasi, ki Pulit kila ioh kurup ia ar tylli ki synduk sabon ba don u heroin ba 21.05 gram, 8 tylli ki vial bad uwei u thyrnia lem bad artylli ki mobile phone.
Ki Pulit kila register case ia kine ki arngut ha Nongpoh Police Station hapoh ki kyndon ka NDPS Act. Ka jingtohkit mynta kala iaid shakhmat.
