Shillong, Nohprah 19 : Ki Pulit Home Guard, hynne ka sngi Palei, kila ioh kem ia uwei u nongtuh katba u dang pyrshang ban rong tuh ia u generator na lyndet ka 3rd Secretariat, Shillong.
Ia une u nongtuh la ioh ban kem da ki arngut ki Pulit Home Guard ba kynthup ia u Lingbirth Areng bad u Darmiki Langstang.
Kine ki arngut kila iohi ia une u briew katba ki dang iaid lynti hajan ka 3rd Secretariat bad iohi ruh ia ki kam ba pyni shankhmat ia ki, kaba pynlong ia kine ki Home Guard ban bat ia u.
Kine ki Pulit Home Guayd kila pyntip ia kane ka jingjia sha ki heh jong ki bad hadien la aiti noh sha ki Pulit ka Sadar Police Station ban leh ia kaba donkam.
