Shillong, Iaiong 26 : Ki Pulit ka South West Garo Hills, kila ioh ban kem haduh 7 ngut ki runar kiba donkti ban leh beijot ia ki arngut ki Khynnah ha Chenga Benga Gandhipara, kaba don ha ka District bad ka Assam.
Kine ki 7 ngut ki dei baroh na ka shnong South Salmara na Assam.
Ia kine ki runar la ioh kem da ka jingphla ki arngut ba kem nyngkong, kiba la batai pura ia kaei kaba jia baroh.
Lah ban kdew hangne, ka Fact Finding Team jong ka National Commission for Protection of Child Rights ba kynthup ia ka Chairperson bad Consultant na Delhi bad Guwahati, kin sa poi sha Ampati ha ka 27 tarik Iaiong.
