New Delhi, Nohprah 06: Ki Pulit ka Gujarat kila kem ia u Nongaiktien ka All India Trinamool Congress (AITC) Saket Gokhale halor ka jingkynnoh ba u kynthoh khlem nongrim lyngba ka twitter halor ka jingtwa ka jingkieng Morbi.
Ia kane la pyntip da ki Nongialam ka AITC ki bym shym la pynthikna pat ka jingkynthoh ba kumno hynrei kila kynnoh ba ka dei ka jingkput politics jong ka BJP.
Ka Cyber Cell jong ka Gujarat dang shen kala kdew ia ka jingkynthoh jong u Gokhale kaba i kum ka jingthoh ba shim na ki kot khubor ba ong “Ka RTI ka pynpaw ia ka jingleit iuhkjat u Myntri Rangbah Duh sha Morbi ka lut haduh T. 30 klur”.
“Kane ka jingkam ka dei ka bym shisha” onh ka Press Information Bureau (@PIB FactCheck).
Quoting an RTI, It is being claimed in a tweet that PM’s visit to Morbi cost ₹30 cr.#PIBFactCheck
▪️ This claim is #Fake.
▪️ No such RTI response has been given. pic.twitter.com/CEVgvWgGTv
— PIB Fact Check (@PIBFactCheck) December 1, 2022
Ia u Saket Gokhale lah kem ha ka miet sngi nyngkong na ka liengsuin na Delhi sha Jaipur ha Rajasthan, ha kaba la kem ia u da ki Pulit Gujarat, ong u Derek O’Brien lyngba ka twitter, u nongialam ba rangbah ka AITC kaba synshar ha Bengal.
At 2 in the morning on Tue, he called his Ma and told her that they are taking him to Ahmedabad and he would reach Ahmedabad by noon today. The police let him make that one two-minute phone call and then confiscated his phone and all his belongings. 2/3
— Derek O’Brien | ডেরেক ও’ব্রায়েন (@derekobrienmp) December 6, 2022
“Ha ka por 2 baje mynstep jong ka sngi ba-ar, ula phone ia ka kmie bad pyntip ba ki Pulit kila rah ia u sha Ahmedabad bad ba un poi ha ka por janmiet. Ki pulit kila ailad ia u ban kren arminit bad knieh noh ia ka phone lem bad ki jingdon jingem jong u” ong u O’Brien.
Ha sor Morbi, ka jingkieng ba shu sdien (suspension bridge) bala tei naduh ka por synshar ka Bilat, kala twa ha ka 30 tarik u Risaw ha kaba palat 130 ngut ki briew kila iap. Kane kala jia tang hadien saw sngi bala plie pat ia ka hadien ba dep maramot.
Ka jingtohkit ka kdew ia ka jingbym lah jong ki bor Municipal namar la kynnoh ba u contractor ba maramot ia ka jingkieng u khlem bud ia ki kyndon treikam.
