Shillong, Nohprah 07: U samla Avner Pariat hynne ka sngi u la pynbna ba un iakhun iaka ilekshon 2023 naka seng Voice of the People Party (VPP) napoh ka Shillong East konstitwensi.
Haba kren sha ki lad pathai khubor u samla Avner u la ong ba kane ka jingshim rai ban iakhun naka seng VPP kadei namar u sngew iahap bad ki nongrim ba ka Party ka ieng.
U samla Avner u la ong ba ka thong jong u ban iakhun iaka ilekshon 2023 kadei naka bynta ban pynbha ne wanrah ka jingkylla hapoh ka Shillong East konstitwensi khamtam haka liang ka tnat ka koit la khiah.
U la ong ba ka thong jong ka VPP kadei ‘Clean Politics’ ka ba mut ban wanrah ka synshar khaddar kaba khuid hapoh ka jylla baroh kawei.
“Baroh shi katta nga ju don bynta bad kiwei ki sengsain pyrthei bad ha ki khyndiat sngi, nga la thmu ruh ban iakhun iaka ilekshon 2023 kum u kyrtong shimet hynrei mynta nga la rai ban iakhun noh naka VPP namar nga sngew iahap bad ki nongrim bad ki mat ba kane ka Party ka ieng” la ong u samla Avner.
U samla Avner u la ong ba ka Shillong East ka dang don bun ki jingduna kiba long ki dieng pynkiang iaki paidbah khamtam iaki samla bad dei namar kane u kwah ban iakhun iaka ilekshon ban weng lut ia kine ki jait jingeh.
Shuh shuh u la bynrap ba u don jingthmu ban wanrah jingkylla haka liang ka koit ka khiah daka ba pynbha iaki Dispensary, ki CHC bad kiwei ki jaka sumar hapoh ka konstitwensi.
