Shillong, Iaiong 16: Ki shipai BSF jong ka 4th Bn ha ka sngi saitjain kila ioh kem ia uwei u Nong Bangladesh bad la ioh kurup T.4 Lak ka pisa India katba u dang thmu ban rung be-aiñ na ri India shapoh ri Bangladesh.
Une u nong Bangladesh uba la shah kem la tip kyrteng kum u Md. Iqbal Miah, 45 snem ka rta, ba shong basah ha Upsahar, Sylhet District.
Ki BSF kila ioh bat ia une u briew naka wah Dawki ha ka por ba u dang pyrshang ban leit rung sha ri Bangladesh lyngba katei ka wah ha ka lynti ka bym dei.
Ka jingioh une u briew ia katei ka pisa India ym pat lah ban tip satia bad na ka liang ki BSF kila aiti noh ia une u briew sha ki pulit jong ka Dawki ba kin pynlong ia ka jingtohkit bad ban iaid katkum ka aiñ.
Pule lang ia kane: Iakynduh ki 4 seng ia ki seng Kur ban pynjur ia ka jingdawa sam bhah kumjuh ia ki Khun ki Kti
