Shillong, Lber 20 : Ki shipai BSF ha ryngkat ki Pulit ka Jylla, kila ioh kem ia arngut ki nong India bad kurup ia kawei ka Tata Sumo ba kit ia ki mar khaii tuh sha Bangladesh.
Ia kine ki briew la ioh ban kem lad lad Ichamati, kaba don ha khappud ka East Khasi Hills bad Bangladesh.
Kine ki briew ki thmu ban khaii tuh sha Bangladesh ia ki mar ba bun jait. Ha ka jingtohkit, u nongniah jong kane ka kali u khlem lah satia ban pyni ia ki kot ki sla ba kit ia kine ki mar.
Ia kine ki briew bad ia ka kali nalor ki mar, la aiti noh sha ki Custom ha Shella bad ka jingtohkit mynta kala iaid shakhmat.
