Shillong,Nailar 25: Ki shipai BSF ryngkat ka jingiatreilang bad ki pulit ha ka sngi saitjaiñ kila ioh bat ia 3 tylli ki trok kit shini kba thmu ban khaii be-aiñ sha ri Bangladesh.
Ki BSF kila pyntip ba ia kitei ki 3 tylli ki trok kiba la kit smam ia ka shini, la iohbat na ka shnong Lyngkhat, East Khasi Hills kaba don marjan bad ka ri Bangladesh bad la kem ruh ia 2 ngut ki nong India.
Ha katei ka jingkhynra, ki BSF kila ioh kurup ia ka shini 74,000 Kg na Lyngkhat bad haba tohkit ia ki nongniah kim shym la lah ban pyni ia kino kino ki kot ki sla halor katei ka shini.
Kumta ki BSF kila aiti noh ia kitei ki 2 ngut kiba la shah kem ryngkat bad ka shini sha ki pulit jong ka Pynursla Police Station ba kin leh ia kaba donkam.
