Shillong, Lber 22: Ki shipai Border Security Force (BSF) jong ka 172 Battalion kila iohkem ia arngut bad ioh kurup ia ka shini 25,000 Kg kaba la thmu ban khaïï be-aiñ sha ka ri Bangladesh.
Ki BSF kila pyntip ba ia kitei ki 2 ngut la ioh kem na ka shnong Kuliang, East Jaintia Hills District bad kila kurup ruh ia ka kali kaba la kit ia katei ka shini.
Ki BSF kila pynpaw, ba hadien ba kila ioh ia ki jingtip kiba paka, kumta kila pynapshrip bad kila ioh ban bat ia katei ka kali kaba kit ia ka shini bad haba kila kylli bniah na u nongniah bad u nongbud kim shym la lah ban pyni ia kino kino ki kot ki sla ha kaba iadei bad katei ka shini.
Kila iathuh ba katei ka kali kala mih na Kalain, Cachar District, Assam ban leit sha ki thaiñ khappud kiba don ha Kuliang.
Ki BSF kila aiti noh ia katei ka shini bad ia ka kali sha ka tnad Custom ba kan leh ia kaba donkam katkum ki kyndon aiñ.
 jong ka 172 Battalion kila iohkem ia arngut bad ioh kurup ia ka shini 25,000 Kg kaba la thmu ban khaïï be-aiñ sha ka ri Bangladesh.){kind=link}