Shillong, Jymmang 01: Ki shipai iada khappud Border Security Force (BSF) haka step jong ka 30 tarik Iaiong kila ioh bat ia 2 ngut ki nong Bangladesh hapoh ka thain West Garo Hills district.
Kine 2 ngut ki nong Bangladesh ki kynthup u MD Habibullah 31 snem bad u Md Jahangir Mia 35 snem ka rta, kidei ki nong shong shnong ka thain Noakhali ka ri Bangladesh.
Hadien ka jingtohkit, kine ki 2 ngut kila phla ba la iarap ia ki da uwei u briew ba kyrteng u Farukh na ka shnong Sherpur Bangladesh ban ioh rung sha u pud u sam ka jylla Meghalaya India.
Ki shipai BSF kula aiti noh ia kine 2 ngut sha Purakahsia Police Station West Garo Hills naka bynta ban leh iaka ba donkam.
