Shillong, Risaw 14: Ka Special Task Force (STF) jong ki pulit Assam kila ioh kurup ia u Droks Heroin uba don 537.2 gram bad shongdor kumba T.4 Klur na kawei ka trok na Jorabat kaba don ha khappud jong ka jylla Assam-Meghalaya hynne dang step phyrngab jong ka sngi Nyngkong.
Nalor ka jingioh kurup droks, ki pulit kila kem ruh ia u Rananjay Mandal 46 snem ka rta uba dei u nongkhaii droks uba dei ruh u nongniah trok.
U Mandal u dei uba shong basah ha ka shnong Bamunkuchi ha Barpeta district, Nagaon Police Station hynrei ia mynta hi u shong ha Bengali-Basti kaba hap hapoh ka Basistha Police Station ha Guwahati.
Uwei u heh pulit jongka STF ula ong ba ka STF kala shimkhia mardor hadien ba kala ioh ia ki jingtip kiba paka kaba la pynlong syndon ia ka kynhun hapoh ka jingialam u Inspector Kopil Pathak ban ioh bat ia katei ka trok kaba don ia u Registration Number AS 01RC2336 ha Jorabat, mar pyrshah ia ka North East Cancer Hospital and Research Institute (NECHARI).
Haba la khynra bniah ia kane ka trok, ki pulit kila lap ia u droks uba la thep hapoh jong ki 45 tylli ki jaka buh sabon uba don ia ka jingkhia kaba 537.2 gram.
Ia une u droks la wanrah na Nagaland bad da ka jingthmu ban pynpoi ha nongbah Guwahati.
 jong ki pulit Assam kila ioh kurup ia u Droks Heroin uba don 537.2 gram bad shongdor kumba T.4 Klur na kawei ka trok na Jorabat kaba don ha khappud jong ka jylla Assam-Meghalaya hynne dang step phyrngab jong ka sngi Nyngkong.){kind=link}