Nongstoin, Nailur 5: Ka Hynniewtrep Youths Council HYC Nongstoin Circle ha ka sngi Palei, ka la ioh ban kem haduh 25 ngut ki nongdih bad nongkhaii drok na iew Nongstoin.
Kane ka jingioh kem ka dei hadien ka jingiai buddien bad iai thwet ia kiba don bynta ha ka jingkhaii bad dih ia une u jait jingsniew ba la jyllei kylleng ki jaka.
Ki nongialam ka HYC bala ialam da u President samla Redyfernandy Sun, ki la hiar kyndit ha them Iew Nongstoin ban khynra, ha kaba ka la lap kumba 25 ngut ei ei ki samla kiba dang ia dih ia une u jingdih buaid hapoh iew.
Ka seng ka la bat ia ki bad ka la pyrshang ban sneng bad hadien kala phah wan ia kiba haiing hasem ban iakren ia kiba kwah sumar. Ka la maham ruh ba kim dei shuh ban nang sha iew namar ka pynsyier ia ki paitbah bad nongshong iew.
U samla Redyfernandy Sun President HYC Nongstoin Circle, u la ong ba ka seng kan iai bteng beit ban khynra bad kem naphang ia ki nongdih bad nongkhaii droks, khnang ban khang lad na ka jingkharoi jong une u jingdih hapoh ka thain.
