spot_img

Kem ka Custom ia u nongkhaii mrad | Kurup ia ka sniew bad shyieng u khla thabasim

Date:

Share post:

Shillong, Rymphang 17: Ka Tnad Custom kala ioh kem ia uwei u briew bad ioh kurup ia ka snieh bad ki shyieng jong u Khla Thapbasim ha ka sngi Saitjain.

Hadien ka jingioh ia ki jingtip kiba paka, halor ka jingkhaii be-aiñ ia ka snieh bad ki shyieng jong u Khla Thapbasim ha ki thain jong ka Moran, kaba hap ha ka Dibrugarh District jong ka jylla Assam, ki ophisar jongka Headquarter Preventive Unit, Shillong kila leit mardor sha Dibrugarh District ha ka 14 tarik mynta u bnai.

Ka kynhun kala pynlong ia ka jingpeitngor kaba jur bha ha katei ka jaka bad kila ioh bat ia uwei u briew uba la suba jur ula kit ar tylli ki pla ha ka thuk thuk.

Une u briew ula phet haba iohi ia kane ka kynhun bad ki ophisar ka custom kila beh thong ia une u briew bad hadien kila ioh ban kem ia une u briew ula iehnoh shadien ia kitei ki artylli ki pla bad ia ka thuk thuk. Dei haba plied ia kitei ki pla la lap ia ka snieh bad ia ki shyieng ki shruh jong u Khla Thapbasim.

Kane ka jingioh kem kala jia ha ka 15 tarik u Rymphang kaba dei ruh ka sngi kaba la rakhe ia ka International Customs Day da ka Indian Customs kaba pyni ruh ia ka jingkit khia jong ka Customs ban iakhun pyrshah ia ki kam khaii ia ki mrad.

U Khla Thapbasim ne Leopard (Panthera pardus) udei uba hap ha ka Schedule I jong ka Wildlife Protection Act, 1972, ia kaba dei ban shim ia ki sienjam kiba khraw tam ban iada ia kine ki mrad kiba kyrpang.

Ia ka jingkurup la bud ryntih katkum ka Wildlife Protection Act, 1972 bad la kem noh ia utei u briew ryngkat bad ia kitei ki snieh bad ki shyieng kiba la ioh kurup la aiti noh sha ka Forest Range Office kaba don ha katei ka thain.

Share post:

spot_img
spot_img

Popular

More like this
Related

Thalain u DyCM ia ka VPP halor ka Dorbar KHADC | Dei ka jingleh ka ban pynsniew bad ba hap pynbeit

Shillong, Jylliew 02 : U Symbud Myntri Rangbah ba...

Bynniaw ki trai dukan ka MUDA ba ai jaka shong dukan madan ha Parking Lot ka Complex

Shillong, Naitung 02: Ka Urban Shopping Complex Association (USCA)...

Sdang ka iasieh mawpud ha ki jaka kajia bala dep pynbeit hapdeng ka Assam-Meghalaya

Boko, Naitung 02 : Ka kynhun sorjamin, ki bor...

Assam | Shah kem 6 ngut ba kawang bitor um sha ki kali ba synran ia u Himanta Biswa

Guwahati, Naitung 2: Hynriew ngut ki briew ba kynthup...