Shillong, Jymmang 21: Ki Pulit ka Anti Narcotics Task Force (ANTF) ka East Jaintia Hills, kala ioh kem ia uwei u nongkhaii droks hynne ka sngi Ba-ar bad ioh kurup ia u drok heroin uba shongdor haduh T. 5.5 klur.
Kat kum ka jingiathuh u Superintendent of Police ka EJH Giri Prasad, ka kynhun ANTF ba ialam da u Addl SP lem bad ki Ophisar ka Lumshnong Police Station, kila bat ia kawei ka Tata Sumo kaba dang wan na Silchar Assam halor ka jingioh khubor ba don ki nongkhaii droks ba wan kit droks da kane ka kali.
U iathuh ba ha ka jingtalasi, kila ioh ban kurup haduh 58 tylli ki synduk sabon kiba thep ia u droks ba 609 gram. Une u droks u shongdor haduh T. 5.5 klur.
Une u briew uba shah kem, uba dei u trai jong une u droks, u kyrteng u Lalbiakdik Vaiphei ba 39 snem ka rta, uba shong ba sah ha Madanrting, East Khasi Hills, Shillong.
Ki Pulit kila kurup noh ia kane ka Tata Sumo bad kawei ka mobile phone hakhmat ki nongsakhi shimet.
Ia une u briew la register case ha Lumshnong Police Station hapoh ka kyndon NDPS Act.
Kane ka jingkurup kala wan jia ruh tang shisngi hadien ka jingshimti ka kong Idashisha Nongrang kum ka DGP ba thymmai ka Jylla.
 ka East Jaintia Hills, kala ioh kem ia uwei u nongkhaii droks hynne ka sngi Ba-ar bad ioh kurup ia u drok heroin uba shongdor haduh T. 5.5 klur.){kind=link}