Shillong, Nailar 11 : Ki pulit ANTF kila ioh bat ia uwei u suba nongkhaii droks ha ka jingpynap shrip ha ka miet sngi Nyngkong ha Umiam.
Kane ka jingjia kala jia ha ka por 11 baje mynmiet bad la iathuh ba ha kane ka jingpynap shrip, ka kynhun ANTF kala ioh bat ia uwei u nongniah scooty ba kyrteng u Jaziel Nongjop Syiem uba dang thmu ban kiew sha Shillong bad ha ka jingtalasi, kila ioh kurup ia u drok heroin ba khia kumba 21.71 gram, uba la thep ha ki artylli ki synduk sabon.
Kat kum ka jingong ka ANTF, une u nongniah scooty ula pyrshang ban phet haba iohi ia ka kynhun ANTF ba talasi kali hynrei ka kynhun kala ioh ban bat ia u.
Ia ka jingtalasi la pynlong hakhmat ki arngut ki nongai sakhi shimet kiba la khot ban wan ha Lad Umiam ban sakhi ia ka jingtalasi kat kum ka kyndon NDPS Act.
Ia une u briew la register case hapoh ki kyndon ka NDPS Act. Ka jingtohkit mynta kala iaid shakhmat.
