Shillong, Nailur 04: Ki Pulit ka Anti Narcotics Task Force (ANTF) kila kem ia uwei u briew ha ryngkat bad 6000 tylli ki Yaba Tablets na Madanrting, Shillong.
Hadien bala ioh jingtip ba thikna, ki Pulit ka ANTF kila bat ia kawei ka kali Renault Duster kaba don ia u number ML05 R 6828 ha Sawlad Madanting.
Ha ka jingtalasi, ki Pulit kila ioh kurup kumba 6000 Yaba Tablets, kiba khia 595.07 gram, na kawei ka pla kaba don hapoh katei ka kali bala thmu ban die.
Ia u Salnang M Sangma uba dei u trai jong katei ka pla kaba don Yaba Tablets la kem noh daki Pulit.
Ha ka jingtohkit, u Sangma u la phla ba ki Yaba Tablets ki dei jong uwei u briew uba la ithuh kum u trai jong kawei ka Hotel ha Shillong.
Ka jingtohkit kaba kham bniah ka dang iaid mynta ban lap ia ki jingtip ba bniah halor katei ka kam khaii ia une u jingdih pynbuaid.
Haba iadei bad kane, ki Pulit kila Register Case bad ka ANTF ka dang tohkit ban lap ia u trai jong ka hotel bad kiwei kiwei ki briew kiba lah ban donkti ha ka kam khaii drok.
Hadien ka jingtohkit, ka ANTF kala ioh kurup biang sa 4000 tylli ki yaba tablet.
Ia une u yaba tablet la ioh kurup na kawei ka hotel City Palace kaba don ha Lapalang.
Ka ANTF kala kem ia u Kynum jong u trai kane ka hotel u Labius Aregh bad ka jingtohkit mynta kala iaid shakhmat.
 kila kem ia uwei u briew ha ryngkat bad 6000 tylli ki Yaba Tablets na Madanrting, Shillong.){kind=link}