Shillong, Jymmang 03 : Ka kynhun Anti Narcotics Task Force (ANTF) ka East Khasi Hills, kila ioh ban kem ia uwei u nongkhaii droks hynne ka step phyrngap na Fire Brigade, Laitumkhrah.
Ia une u briew la kem ha ka por 5:30 baje mynstep katba u dang thmu ban aiti ia u droks ha uwei u nongdih droks.
Ha ka talasi, ki Pulit kila ioh kurup ia san synduk sabon u drok heroin ba khia 68.08 gram, kawei ka scooty ML05-Q-1031, kawei ka mobile phone, ka driving licence bad kawei ka pla.
Ki Pulit kila register case ia une u briew ha Laitumkhrah Police Station hapoh ka kyndon NDPS Act. Ka jingtohkit mynta kala iaid shakhmat.
