Shillong, Jylliew 01 : Ki pulit Anti Narcotic Task Force (ANTF) ka East Jaintia Hills hynne ka sngi Palei, kila ioh ban kem ia uwei u Nongkhaii droks na Assam bad ioh kurup ia bun bah u droks heroin.
Une u Nongkhaii droks u kyrteng u Abdul Aziz Barbhuiya ba na Hailakandi, Assam bad la ioh kem ia u na ka kali AS-24-D-2838 ha Tongseng kaba hap hapoh ka Lumshnong Police Station.
Une u briew ula ih na Kalain da ka jingthmu ban hiar sha Guwahati, ong u Superintendent of Police Jagpal Singh.
Ha ka jingtalasi ia ka kali, ki Pulit kila ioh ban kurup ia u droks ba khia haduh 926.40 gram y heroin uba la song ha ki 74 tylli ki synduk sabon.
Ia une u briew la register case ha Lumshnong Police Station hapoh ka kyndon NDPS Act bad ka jingtohkit mynta kala iaid shakhmat,
