Nongpoh, Iaiong 05 : Ki Pulit ka Anti Narcotics Task Force (ANTF) ka Ri-Bhoi District, hynne ka sngi Balang, kila ioh kem ia uwei u snar nongkhaii droks uba dang wan kit ia u droks na Guwahati sha Shillong, bad ioh kurup ia u droks heroin ba shongdor T. 1.48 klur.
Kat kum ka jingpyntip u Superintendent of Police ka Ri-Bhoi, ka AANTF kala ioh khubor ba une u breiw un wan kit droks na Assam sha Shillong da kawei ka kali Tourist.
Haba ioh ia kane ka jingtip, ka ANTF kala pynap shrip ia une u briew ha Shangbangla bad ha ka por 1:08 janmiet kila ioh bat ia ka kali Tourist ML10-A-2089 bad ioh kem ia une u briew.
Ha ryngkat ka jingiadon lang ki sakhi shimet, ka ANTF kala pynlong ia ka jingkhynra ia ka pla jong une u briew bad kila ioh ban kurup haduh 20 synduk sabon u droks uba khia haduh 191.02 gram. Une u briew ba ioh kem u kyrteng u Dipankar Ghosh ba 35 snem ka rta, uba dei na Upper Jail Road East, Shillong.
Ia une u briew la kem bad la rah noh sha Nongpoh Police Station bad la register case ia u hapoh ki kyndon jong ka NDPS Act. Ka jingtohkit mynta kala iaid shakhmat.
