spot_img

Kem ka ANTF ia 4 ngut ki nongkhaii droks kynthup 2 ki kynthei na Nongrah

Date:

Share post:

Shillong, Jylliew 10 : Ki pulit ka Anti Narcotics Task Force (ANTF) Police Station, kila ioh ban kem ia 4 ngut ki nongkhaii droks kynthup 2 ngut ki Kynthei bad ioh kurup ruh bun bah u heroin na ka shnong Nongrah ha ka miet sngi Nyngkong.

Halor ka jingioh khubor syntiat ba thikna, ka ANTF kala pynlong ia ka jingkhynra, kala lam sha kane ka jingiohkem iakine ki nongkhaii droks, ong u SP ka ANTF Jagpal Singh Dhanoa ha ka sngi Ba-ar.

Na ka met kine ki briew, la ioh kurup haduh 62 tylli ki synduk sabon kiba dap da u heroin, ula iathuh.

U pyntip ba ula phah ia ka kynhun sha Lapalang ha ka por 9:30 baje mynmiet halor ka jingioh khubor ba don uwei u nong khaii droks ba kyrteng u Jeremy Dkhar, u dang thmu ban thied droks na uwei u nongkhaii ba kyrteng u Lamtinkhup Vaiphei ba na Lapalang.

Haba poi ha Nongrah, ka kynhun kala iohi ia u Jeremy ba u dang iaid ha ka dong Nongpdeng Nongrah bad mar mar kila bat ia u bad une u briew ula ialam ia ka kynhun sha ka iing jong uwei u briew ba kyrteng u Thangboi Khaute ba sah mar khap ka iing jong u, kaba la pyndonkam ban buhrieh ia une u droks.

“Hadien kane, la pynlong ia ka jingtalasi kat kum ki kyndon ka NDPS Act bad la ioh kurup ia 62 tylli ki synduk sabon ba dap da u heroin. Une u drok u khia haduh 691.54 gram. Ha kane ka jingkhynra, saw ngut ki briew la ioh ban kem ba kynthup ia 2 ngut ki kynthei” ong u SP.

Ia kine ki briew la register case hapoh ka ANTF Police Station kat kum ka kyndon 21(c)/25/27/29 jong ka NDPS Act.

Share post:

spot_img
spot_img

Popular

More like this
Related

Phet krad lut ki nongtrei bar jylla marsien leit khynra kot ka FKJGP ha LPG Bottling Plant ka IOCL

Nongpoh, Naitung 26: Ka Federation of Khasi Jaintia and...

Pat shim rai ka HSPDP ban bujli Myntri hapdeng ki 2 ngut ki MLA hapoh ka Sorkar MDA

Shillong, Naitung 26: Hapdeng ka jingsawa ka khubor bujli...

Kamai palat T 1 klur ki nongrep sohmarit ka Meghalaya | Sdang paw ha ki kam khaii Jingshoh na Jylla

Shillong, Naitung 26 : Haduh 10 tylli ki Integrated...

Pynim biang ka HSPDP ia jingdawa ban ithuh ia ka ktien Khasi kum ka Ktien Sorkar

Shillong, Naitung 26: Ka Hills State People’s Democratic Party...