Shillong, Jylliew 11: Ka kynhun Anti Narcotics Task Force (ANTF) ka South Garo Hills hynne ka sngi U Blei, kala ioh ban kurup haduh 256 bitor ka dawai phensedyl ba 100 ml kawei, bad kem ia lai ngut ki briew, ha ka jingkhynra bala pynlong ha Gasuapara.
Kat kum ka khubor, ia kane ka jingkhynra la pynlong halor ka jingioh khubor kaba bniah bha ia ka jingdon kine ki dawai pynbuaid ha kawei ka Iing ha Gasuapara.
Ka ANTF kala kem ia lai ngut ha ka jingkhynra bad ia kine ki register case ha Baghmara kat kum ki kyndon jong ka NDPS Act. Ka jingtohkit mynta kala iaid shakhmat.
Na ka liang u Director General of Police Dr LR Bishnoi haba thoh ha Twitter, ula iaroh ia ka kynhun ka ANTF Baghmara halor ka jingshimkhia jong ki ia ka kam.
Lah ba kdew ba ka dawai Phensedyl, ka dei ka dawai jyrhoh bala khein beain da ka Ministry of Health nalor ka daai Corex bad ka Benadryl.
