Guwahati, Jylliew 11: U Myntri Rangbah ka Himanta Biswa Sarma hynne ka sngi U Blei, ula lum ia ka jingialang bad baroh ki Deputy Commissioner bad ki Heh Sorkar, kaba iatai bniah bha halor ki jingpynkhreh ia ki lad jingiada bad ki lad ki lynti ban pynduna ia ka jingshlei um ha kane ka aiom lyuir.
U Himanta ula bthah ia baroh ki Ophisar ba kin don beit ha ki Ophisar bad ban peitngor bha ia ka jinglong jingman ka suinbneng. U Himanta ula pynlong ia kane ka jingialang lyngba ka video conferencing.
U Himanta ula ai ruh shibun ki jingbthah ban tehlakam ia ki jingeh kiba wanrah na ka jingthep u slap lyiur.
Ula bthah ia ki bor khmih ban buh pynap lypa ia ka National Disaster Response Force (NDRF) bad ka State Disaster Response Force (SDRF) ioh donkam ha kano kano ka por ba kyrkieh.
U Myntri Rangbah ula bthah ruh ia ki borkhmih ba kin leit jurip ia ki rud wah bad ki jaka them kiba ju shlei um bad ban peit thuh bha ia ki khnang ba kin lah ban shim rai kat kum ki jingdonkam.
Ula bthah ruh ban pynbha ia ki surok ha ki jaka ba shyrkhei ka jingshlei um bad jingtwa khyndew khnang ba kan nym ktah ia ki lad pyniasoh bad ka jingleit ai jingiarap ia ki briew kiba sahkut.
Nalor kane, ula bthah ruh ban peit ia ka jingdon ki doktor bad ki dawai lada jia kano kano ka jingdonkam ba kyrkieh ka ba lah ban mih na ka jingshlei um. Nalor ban buh pyllang lypa ia ki jingbam jingdih na ka bynta ban leit sam sha ki briew kiba shah ktah ha ki jaka ba shlei um.
 bad ka State Disaster Response Force (SDRF) ioh donkam ha kano kano ka por ba kyrkieh.){kind=link}