Shillong, Nailur 22: Ki pulit Anti Narcotic Task Force (ANTF) ka West Garo Hills District, ha ka 20 tarik ki la bat ia kawei ka kali Maruti Celerio kaba kit ia u drok heroin.
Ia kane ka kali la bat haka jingtalasi kali ha Kokaimari kaba hap hapoh Phulbari Police Station.
Ha kane ka jingtalsi, ki Pulit ka ANTF kila ioh kurup 5 tylli ki Synjuk sabon kiba don 53.67 gram u drok ba la suba ba u dei u heroin.
La iathuh ba kane ka kali, kaba wan na Guwahati, ka ba kit 5 ngut ki briew kynthup ia u nongniah, u Noboruddin bad uwei u khynnah rit.
Ha ka jingtohkit la lap ba ia u drok la wankit na Guwahati ISBT bad la thmu ban pynpoi sha uwei u briew ba kyrteng u Fazadur jong ka shnong Gomaijhora ha West Garo Hills District.
Ki Pulit kila kem ia 2 ngut ki briew kata u Sahidur Islam (32 snem) uba na Pushkinipara bad u Nazim Uddin Laskar (39 snem) na Narainpur, Silchar bad la kurup ia ka kali nalor u drok bad kiwei kiwei ki tiar katkum ki kyndon ain.
Ia kine ki briew la register case ha Phulbari PS (Case No. 40/2025) katkum ki kyndon jong ka ain NDPS.
Ia briew ba shah kem la phah sha ka iingbishar ha ka 21 tarik u Nailur katkum ki kyndon jong ka ain NDPS.
U Superintendent of Police (SP) u Abraham T Sangma u la kyntu ia ki paidbah ba kin long kiba husiar bad ban pyntip ia kino kino ki kam kiba suba kiba iadei bad ka jingkhaii drok sha thanat lane Police Control Room (PCR) Tura.
 ka West Garo Hills District, ha ka 20 tarik ki la bat ia kawei ka kali Maruti Celerio kaba kit ia u drok heroin.){kind=link}