-->

Kem ka ANTF ia 2 ngut ki nongkhaii droks na Mawlai

Date:

Share post:

Shillong, Risaw 10: Ka Anti Narcotics Task Force (ANTF) jong ka East Khasi Hills ryngkat bad ki pulit jong ka Mawlai Police Station kila iohkem ia 2 ngut ki bar jylla bad ka ioh kurup ia u drok uba don 57.51 gram.

U SP ka East Khasi Hills u Bah S Nongtnger ula pyntip ba hadien ba ki pulit kila ioh ia ki jingtip kiba paka, kila bat ia kawei ka kali Tata Sumo kaba wan na Guwahati bad leit sha Shillong bad ia kane ka kali la bat hajan ka Banalari Showroom Mawlai ha kaba kila ioh kurup ia u drok bad kila kem noh ia ki ar ngut kiba la donkti.

Kine ki ar ngut kiba la shah kem, ki kynthup ia u Abdul Mukil 43 snem ka rta uba na Karamganj Assam bad u Sawrupananda Mohanta 38 snem ka rta na Cachar Assam bad na kine la ioh kurup ia u drok Heroin uba la thep ha ki synduk buh sabon uba don 57.51 gram.

Nalor kane la ioh kurup ruh 4 tylli ki mobile phone, 1 ka EPIC Card, 1 ka PAN Card, 2 tylli ki ATM Card bad 1 ka Driving License.

Ki pulit kila rejistar case ruh ia kane ka jingjia ha Mawlai Police Station bad ka jingtoihkit ka dang iaid mynta shakhmat.

 

Share post:

-->
spot_img

Popular

More like this
Related

Mynjur ka Kynhun Myntri ban pynbeit thymmai ia ki skul SSA ha Jylla

Shillong, Risaw 29 : Ka Kynhun Myntri ka Sorkar...

Da ka street play ialap ban iada na ki jinglynshop ki bor mariang ha Shillong

Shillong, Risaw 29: Ka District Disaster Management Authority (DDMA),...

Mynjur ka Sorkar ban thungkam pura ia 283 ngut ki Special Educators

Shillong, Risaw 29 : Ka Sorkar Jylla kala ai...

Elekshon GHADC | Ai jingmynjur ka Sorkar ban pynkhreh noh ia ka Electoral Roll

Shillong, Risaw 29 : Ka Kynhun Myntri ka Sorkar...