Shillong, Jymmang 11: Ki bor district kila pyntip ba kawei ka kali kala kem ding hajan ka kad lengsuin haka por 12 baje Nohphaisngi.
Kane ka kali kadei kaba kit briew napoh ka shnong Mawblang Ri-Bhoi District ban leit buh sha Retreat Center kaba don ha Umroi Nongrah, hynrei shileng lynti haka por wanphai kala kem ding.
U nongniah, jong ka kali u Bah Tyngshain Maring (26 snem ka rta), ula pyrshang ban niah iaka kala ha surok bah NH-44 hynrei ka kali kala kem ding kynsan.
Watla ki bor pynlip ding, kila pyrshang ban tem iaka ding hynrei kala pulom bad ka kali kala ingkhong lut.
Watla ka kali kala ingkhong lut hynrei ym don ba mynsaw.
Iaka kali la rah noh sha Umroi Police Investigation Center ban leh iaka eksamin.
