Nongpoh, Iaiong 20 : Kawei ka kali kit Umphniang (tanker) kala kem ding bad bthei kynsan kynsan hynne ka sngi Palei ha surok Shillong By-Pass ha ka shnong Mawpun Kshaid.
Kane ka jingjia kala jia ha ka por 1:20 baje eiei janmiet bad la pyntip ba kane ka jingjia kala jia na ka jingpynher sted jong kane ka kali kit umphniang kaba la leit tynrah ia kawei pat ka kali kaba wan mar pyrshah.
Ki Pulit ki iathuh ba ha kane ka jingiatynrah kali, kane ka kali kit umphniang kala kylla khongpong bad kem ding haduh ba ka ding kaba klang bha, kala kem ding lang ia kawei pat ka kali.
Ki bor pulit ka Umïam Police Station ki la her marmar sha katei ka jaka lem bad ki pulit pynlip ding hynrei namar ka jingduna ki kali pynlip ding, ka ding kala ioh bam bam duh ia kiba bun ki bynta jong kine ki kali.
Tad haduh ba thoh ïa kane ka khubor la ioh jingtip ba ym shym la don satia kano kano ka jingjia ba sngewsih halor kane ka jingjia.
