Shillong, Naiwieng 13: U Nongialam ka Liang Pyrshah ha Khasi Hills Autonomous District Council (KHADC) u Bah Titosstar Well Chyne hynne ka Sngi Nyngkong ula kam ba ki khyrdop khrong khajna be-aiñ kila shah khang lut ha ka por ba u dang long kum u Chief Executive Member (CEM) ka KHADC.
“Ha ka por jong nga, baroh ki khyrdop khrong khajna be-aiñ kila shah khang khyrdep lut lait noh tang ia kito kiba la ioh jingbit na ki bor aiñ la shah ban plie” ong u Bah TW Chyne haba iakren bad ki nongthoh khubor.
U Bah Chyne ula ong, ba ym kwah ban sei madan ia ki daw balei ka EC kaba ialam da u kam shym la khang tang ia kawei ka Check Gate ha Diengpasoh.
“Baroh ki khyrdop khajna ha West Khasi Hills, ha Ri Bhoi lait noh tang kawei kaba don ha Diengpasoh ngim shym la khang khyrdep, Balei ngim shym la khang khyrdep kadei namar ba ka don ka daw halor jongka bad ngam kwah ban thad madan eiei halor kane” la ong u Bah Chyne bad ka bynrap, “Hynrei baroh ki khyrdop khrong khajna be-aiñ kila shah khang khyrdep lut ha katei ka por. Phi kynmaw ha katei ka por ba ha Mawiong ym shim la don khyrdop bad lada phi leit sha West Khasi Hills baroh la khang lut ne ha Kynshi, Mairang. Phi lah ban kylli na ki Truck Association kiba la leit ban iakynduh dang shen ia u CEM.”
U CEM barim ula kren ia katei, kadei hadien ba u CEM ka KHADC u Bah Pyniaid Sing Syiem dang shen ula kren eiei halor ka jingdon jong ki khyrdop khrong khajna be-aiñ.
“Watla u CEM ula jer ia ka kyrteng jong nga da kaba ong ia u General Secretary ban leit kylli na u CEM barim hynrei nga la iohi pat iaka jingkren jong u Nongialam barim ka Liang Pyrshah ha kaba ula kynnoh beit ba kala jia ha ka por ba nga long kum u CEM bad ngam shym la leh da kaba tyngeh, hynrei nga kwah ban kylli ia u kawei ka jingkylli ba ha ka por ba u don ha ka Liang Pyrshah ha ktei ka por hapoh ka District Council balei ym shim la kylli ia katei ka jingkylli bad balei ym shim la rah eiei ia katei ka mat, balei ula sngap jar. Ha ka jingshisha, naduh katei ka por nga lah dep ban shim ia ki sienjam” la pynkut u Bah TW Chyne.
 u Bah Titosstar Well Chyne hynne ka Sngi Nyngkong ula kam ba ki khyrdop khrong khajna be-aiñ kila shah khang lut ha ka por ba u dang long kum u Chief Executive Member (CEM) ka KHADC.){kind=link}