Guwahati, Naiwieng 14: Kawei ka Longkmie na Kokrajhar District, Assam, kala shah pyniap ha uwei u briew halor ka jingsuba ba ka dei ka nongaiksuid.
Ia kane ka longkmie la tip kyrteng ka Marshila Murmu.
Kat kum ka khubor, kane ka jingjia kala jia ha ka shnong Bhogjhara Samarpur kaba hap ha Kokrajhar District ka Assam. La pyniap ia ka Murmu da u briew ba kyrteng u Lakhan Tudu ba na ka shnong Phulkumari.
Ia u Tudu la ioh ban bat da ki trai shnong kiba la aiti noh ia u sha ki Pulit. “Une u briew ula kubur b aula leh ia kane ka kam bymman bad la set ia u mynta ha along” ong ki Heh Pulit.
Kumba 25-30 tylli ki case la register ha Assam manla u snem halor ka jingsuba nongaiksuid bad tang ha u 2022 la register tang 4-5 tylli.
Kat kum ki kyndon ka Act, ka jingpyniap nongaiksuid ka dei ka kam bymman bym lah ban bah jamin bad ka lah ban lam sha ka jingset along haduh 10 snem.
