Shillong, Naiwieng 14 : Ka Sorkar Jylla kala pynjlan biang ia ka por ban ai kaiphod da ki lai tylli ki Regional Committee sha ka 31 tarik Nohprah, 2024.
Kane ka jingpynjlan, kat kum ka jingpynbna bala pynmih da ka Tnad Home (Political) ha ka 13 tarik Naiwieng, ka aipor shuh shuh ban pyniaid ia ki kam iapynbeit pud ha ki jaka ba dang sah bad ka Assam.
Ka jingpynjlan lehse ka dei namar ka jingsahteng ka jinghiar jurip ia ka thain Langpih, ka jaka khappud ka West Khasi Hills, kaba jur bha ka jingiakynad.
Dang shen, u Chairman ka Regional Committee ka West Khasi Hills Bah Paul Lyngdoh, ula buh dak jingkylli ia u Chairman ka Boundary Committee ka Assam halor ka jingpynslem ban iahiar jurip lang ia ka Langpoh, bad ong ba ka jingbym ai jubab jong ka Assam kala pynslem ia kane ka jingiahiar jurip.
Ki Committee jong ki ar Jylla kila mynjur nyngkong ban iahiar jurip ia ka Langpih bad ban iakynduh ia ki nongshongshnong lem bad ki nongialam ka thain hashuwa ba kin aiti ia ka kaiphod ba khatduh shala ki jongki Myntri Rangbah.
Ka thain Langpih, kaba kdup ia palat 200 tylli ki Shnong, ka dei ka jaka ba kongsan bha ha ka jingiakren pynbeit pud jong ka wat kaba ar hapdeng ka Meghalaya bad Assam.
 ha ka 13 tarik Naiwieng, ka aipor shuh shuh ban pyniaid ia ki kam iapynbeit pud ha ki jaka ba dang sah bad ka Assam.){kind=link}