Shillong, Jylliew 14: Ka Khasi Students Union (KSU)-North Eastern Hill University(NEHU) Unit, kala kam ba kane ka skulbah jong ka Sorkar Pdeng ba don ha Nongbah Shillong,ka dang pynreikam ia ka Central University Entrance Test (CUET) ban pynrung klas ia ki samla ba pule Under Graduate (UG) bad Post Graduate (PG).
Kane ka jingkynnoh kala mih na u President ka SKU-NEHU samla Banlumlang Rani, uba la iathuh ba ki samla pule kiba dang kwah ban bteng ia ka jingpule jong ki ha ka kyrdan UG bad PG ki dang don mynta ha ka umdum halor ka jingtreikam jong ka CUET ha NEHU.
Kat kum ka jingong jong u, “Ngi kwah ban pynshai ba lada phi kwah wan klad ha NEHU laka long ha ka PG ne UG kum ha ka Law ne B.Tech kiba don beit ha campus ka NEHU, phim hap ban iaid beit lyngba ka CUET ban ioh ryng klas. Kat kum ka jingpynbna ka Sorkar Pdeng, la weng ia ka CUET tang ia ki College kiba pyniasoh ki bym don satia ha NEHU”.
Une u Nongialam ka KSU ula iathuh ruh ba mynta ki samla pule ki don por satang lai sngi ne saw sngi ban kut noh ka por ban register kyrteng alade na ka bynta ka eksam CUET khnang ba kin ioh ban bteng ia ka jingpule jong ki ha katei ka skul bah ba don ha Jylla.
Haba kylli,une u Nongialam ka KSU ula ong “Ia mynta hi ngim pat lah ban ong ba la ka CUET ka ai jingmyntoi ne ka duh jingmyntoi. Kum ki samla pule ngin sa iai bteng ban wad ia ki jingtip kiba paka na ka bynta ka jingmyntoi jong ki samla pule ka Jylla”.
