Shillong, Jylliew 15 : Ka kynhun kieng atiar ba la shah kheiñ be-aiñ ka Hynniewtrep National Liberation Council (HNLC) hynne ka sngi u Blei, kala kam ba ka don ka jingpynkhein kaba shyrkhei hapoh ka seng hadien ba uwei u riewshimet uba la pynkhamti ban pyniaid ia ka pisa pilain ula lum ia ka jingnoh synniang khlem ka jingioh bor na u Finance Secretary.
“Uwei u riewshimet uba la shah pynkhamti ia ka jingkitkhlieh ha ka kam pisa pilian ula leit ban lum pisa be-aiñ khlem ka jingtip ne jingioh jingbit na u Finance Secretary. Katei ka jingleh kadei ka jingshet shukor ia ka jingshaniah kaba la ai da ka Council bad ka jingbuh jingma ia ka jingiakhun jong ka seng” ong u General Secretary ka HNLC u Bah Sainkupar Nongtraw ha ka kyrwoh khubor.
Ula byrngem ruh, “Uno uno u riewshimet, u dkhot ne uba donbynta bad ka seng, lada shem ba ula lum pisa be-aiñ, un mad ia ka jingshah pynshitom kaba tyngeh. Kane kadei ka jingpynkhein ym tang ia ka jingai jingshaniah hynrei ia ka jingbat skhem ia ka akor ha ka jingialeh kiba ka seng ka bat”.
U Bah Nongtraw ula ong, ba ka HNLC ka iengskhem ha ban iada ia ka jinglong kyntang ka jingialeh ka seng bad ong, “Ngi iakhun ym kum ki riewshimet kiba saphret, hynrei kum ka seng kaba don ia ka akor bad ia ka mishon kaba shai kdar. Ka jingpyndonkam bakla bad ka jingshimkabu kam don jaka satia ha kino kino ki nongkitkam ki jong ngi”.
“Ngi iawer ia kiba noh synniang, ki nongkyrshan bad ki nongkitbok kitrwiang ba kin bud ryntih ia kine ki jingbthah. Ai ba ka jingnoh synniang ka jong phi kan long ka bor jong ka jingiatylli ym ka jingpynklumar khlieh ne ka jingshimkabu” ula ong.
 hynne ka sngi u Blei, kala kam ba ka don ka jingpynkhein kaba shyrkhei hapoh ka seng hadien ba uwei u riewshimet uba la pynkhamti ban pyniaid ia ka pisa pilain ula lum ia ka jingnoh synniang khlem ka jingioh bor na u Finance Secretary.){kind=link}